Билјана Ивановски на LinkedIn.

Уште од времето на Платон чувството да владеете со себе се сметало за голема доблест, моќ да се спротиставувате на емоционалните бури,  Ñ‡Ð¸Ð¸ “ удари и дарови” што Судбината ви ги носи претставува подобар избор отколку да бидете ”робови на страста“.

Таквата доблест во старо грчко време била позната како “sophrosyne” или “разумност и интелигенција” во животот. Во античкиот Рим и раното христијанство ја нарекувале темпераментна умереност и воздржаност од емоционални испади. Целта е да се постигне рамнотежа а не да се потиснат емоциите. Животот без страст би бил пуста земја без животните различности. Но, како што заклучува Аристотел, оно кон што се стремиме е вистинска емоција.

Луѓето не треба да ги избегнуваат непријатните чувства за да бидат задоволни, туку треба да ги контролираат бурните чувства кои се пречка на секое пријатно расположение.

Владеењето на емоциите бара полно работно време: поголемиот дел од она што го работиме – особено во слободното време претставува обид да ги управуваме нашите расположенија. Читањето роман, гледањето телевизија и најразлични активности и дружења, сето тоа може да биде пат кон подобро расположение.

IQ и емоционалната интелегенција не се спротивставени туку одделни способности. Кај секој од нас се преплетуваат емоционалната и интелектуалната остроумност. Луѓе со висок IQ и ниска емоционална интелегенција ( или обратно), наспроти стереотиповите се релативно ретки.

За разлика од познатите IQ тестови, се уште не постои едноставен тест кој ќе даде “резултат на емоционална интелегенција” или емоционално интелегентна личност. Иако постои темелно истражување на секоја од компонентите на емоционална интелегенција, некои од нив како што е емпатијата, најверодостојно се проверуваат преку набљудување на човековите способности на дело – на пример да се препознаат туѓите чувства според изразот на лицето.

 ÐŸÐ¾Ð·Ð½Ð°Ñ‚иот психолог Саловеј Гарднер зборува за неколку битни карактеристики на емоционално интелегентните личности, каде можеме да се препознаеме:

1. Спознавање на човековите емоции. Самосвест – препознавање на чувствата во мигот кога се манифестираат – претставува темел на емоционална интелегенција. Неможноста да ги препознаеме нашите вистински чувства не доведува до тоа да сме зависни од нив. Луѓето кои се посигурни во своите чувства повешто го водат сопствениот живот и со поголема сигурност донесуваат одлуки.
2. Управување на емоциите – совладувањето и управувањето на емоциите, со цел да бидат точно избрани е способност која се темели на самосвеста. Луѓето кои ја немаат оваа способност, постојано се борат со чувствата на огорченост и мачнина, додека оние што ја усовршиле многу побргу оздравуваат од животните немири и неуспеси.
3. Самомотивација – управувањето на емоциите што води кон одредена цел е подлога за претплазливост, самомотивација, совладување на одредена вештина како и за креативност. Емоционалната самоконтрола и смирување на афектите се основа на секој успех. Постигнувањето на состојбата на “смиреност” овозможува исклучителни остварувања на секое поле.

4. Препознавање на емоциите кај другите – ÐµÐ¼Ð¿Ð°Ñ‚ијата е уште една способност која е базирана врз човековата самосвест и основна “човекова вештина “. Емпатичните луѓе се повешти во приспособување на речиси невидливите друштвени сигнали со кои се навестува што им е потребно на другите или што сакаат. Емпатијата им овозможува успех во занимањата како што се грижа за другите, подучување, трговија и менаџмент.

5. Умеење во одржување на меѓусебните односи – ова умеење претставува вештина за разбирање на туѓите емоции. Луѓето кои ги усовршуваат овие вештини имаат успех во се што подразбира успешна соработка со другите, тие се “ѕвезди” во општеството.

Без сомневање, темелот на нашите способности е од психолошка природа но мозокот е тој кој е исклучително приспособлив и постојано учи.

Разбирањето дека ова е процес на животно учење и надоградување, каде целта не е да бидеме најуспешни, најдобри, туку подобри од тоа што сме биле претходно е појдовната основа за наше постојано надоградување во животот. Подготвени за најубавото патување?